Үйлчилгээний нөхцөл

1. Ерөнхий

1. “Эссеншиал Бьюти” ГХОХХК-ийн албан ёсны бүтээгдэхүүн “www.essenty.mn” нь худалдааны цахим орон зайг бий болгож, худалдаа, үйлчилгээг цахимаар авах боломжийг олон нийтэд хүргэнэ.  

2. Үйлчилгээний нөхцөл нь цахим худалдааны системд брэндийн албан ёсны эрхтэйгээр монгол улсын зах зээлд орж импортлогдсон бараа бүтээгдэхүүн, үйлчилгээг худалдах, Хэрэглэгч худалдан авахтай холбоотой үүсэж буй харилцааг зохицуулна.

3. Үйлчилгээний нөхцөлд хэрэглэсэн дараах нэр томьёог дор дурдсан утгаар ойлгоно. Үүнд:

• “Цахим худалдааны систем” гэж Албан ёсны гэрээт борлуулагчийн бараа бүтээгдэхүүн, үйлчилгээг Хэрэглэгчдэд санал болгох, худалдан авалтыг цахимаар хийх үйлчилгээг бүрдүүлсэн  цахим вэб хуудас https://essenty.mn/ (цаашид “essenty” гэх);

• “Хэрэглэгч” гэж Үйлчилгээний нөхцөлийг хүлээн зөвшөөрч, “essenty”-г хэрэглэж буй иргэний эрх зүй бүрэн чадамжтай иргэн, хуулийн этгээдийг;

• “Албан ёсны брэнд” гэж  Монгол улсын зах зээлд албан ёсны эрхтэй импортлогдсон брэндийг;

• “Цахим гарын үсэг” гэж Хэрэглэгчийг танин баталгаажуулах үйл ажиллагаанд хэрэглэж буй нэвтрэх нууц үг, баталгаажилтын нэг удаагийн нууц үг, бусад цахим өгөгдлийг тус тус ойлгоно. 

4. Хэрэглэгч нь “essenty”-д нэвтэрч, бүртгүүлэхээс өмнө Үйлчилгээний нөхцөл, Нууцлалын бодлоготой бүрэн танилцах үүрэгтэй. Үйлчилгээний нөхцөл, Нууцлалын бодлоготой бүрэн танилцаж, эдгээр нөхцөл, бодлогод заасан нөхцөлүүдийг хүлээн зөвшөөрсөн тохиолдолд “Би хүлээн зөвшөөрч байна.” гэсэн товчийг идэвхжүүлснээр Хэрэглэгчийг зөвшөөрсөнд тооцно. 

5. Хэрэв Хэрэглэгч Үйлчилгээний нөхцөл, Нууцлалын бодлогыг хүлээн зөвшөөрөхгүй тохиолдолд хүлээн зөвшөөрөхөөс татгалзах эрхтэй. Татгалзсан тохиолдолд “essenty”-г зориулалтын дагуу бүрэн ашиглах боломжгүй болох үр дагавар үүсэхийг анхаарна уу. 

6. Хэрэглэгч нь иргэний эрх зүйн бүрэн чадамжтай иргэн байна. 

7. essenty нь бүртгэгдэж буй Хэрэглэгчийг иргэний эрх зүйн бүрэн чадамжтай эсэхийг шалгах боломжгүй тул Үйлчилгээний нөхцөлийг зөвшөөрсөн үйлдэл хийснээр  түүнийг иргэний эрх зүйн бүрэн чадамжтай гэж essenty үзнэ.

8. Иргэний эрх зүйн бүрэн чадамжгүй этгээд essenty дээр бүртгэл үүсгэх тохиолдолд өөрийн эцэг,  эх, асран хамгаалагч, харгалзан дэмжигчээс урьдчилан зөвшөөрөл авах үүрэгтэй. Энэхүү үүргээ биелүүлээгүйгээс үүдэн гарах аливаа хохирол, гэм хорын төлөө essenty аливаа хариуцлага хүлээхгүй.

9. Хэрэглэгчийг иргэний эрх зүйн бүрэн чадамжтай эсэх, мөн тухайн бараа бүтээгдэхүүнийг худалдан авах насны доод хязгаарт хүрсэн эсэхийг essenty  шалгах боломжгүй тул Хэрэглэгчийн хийсэн зөвшөөрөх үйлдлийн үндсэн дээр түүнийг иргэний эрх зүйн бүрэн чадамжтай, тухайн бараа, бүтээгдэхүүнийг худалдан авах насны доод хязгаарт хүрсэн этгээд гэж үзнэ. Тухайн бараа бүтээгдэхүүнийг худалдан авах насны доод хязгаарт хүрээгүй хэрэглэгч захиалга хийснээс үүдэн гарах аливаа хохирол, гэм хорын төлөө essenty хариуцлага хүлээхгүй.

 

2. Хэрэглэгч болон бүртгүүлэх

1. Хэрэглэгчээр бүртгүүлэхдээ “essenty”-ийн Нэвтрэх хэсгийг сонгон “Нэвтрэх” болон “Бүртгүүлэх” гэсэн сонголтын аль нэгийг сонгож өөрийн цахим шуудангийн хаяг болон утасны дугаарыг илгээнэ. “essenty”-оос Хэрэглэгчийн албан ёсны цахим хаяг болон гар утасны дугаар луу нэвтрэх нэг удаагийн нууц үг бүхий цахим гарын үсгийг илгээнэ. Хэрэглэгч нь тухайн цахим гарын үсгээр нэвтэрсний дараа нэвтрэх шинэ нууц үг болох өөрийгөө тодорхойлох цахим гарын үсэг зохиож, өөрийн хувийн мэдээллийн аюулгүй байдлыг хангах үүрэгтэй.

2. “essenty”-д Хэрэглэгчээр бүртгүүлснээр бараа бүтээгдэхүүн, үйлчилгээ захиалах, хүслийн жагсаалт үүсгэх, өөрийн захиалгыг хянах эрх үүснэ.

3. Хэрэглэгч нь “essenty”-д нэвтрэх цахим шуудан болон цахим гарын үсгийг бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсний улмаас өөрт болон бусдад учирсан аливаа хохирлыг Хэрэглэгч өөрөө бүрэн хариуцна.

4. Хэрэглэгч “essenty”-н талаар санал гомдол, шинэ санаа, шинэ бараа борлуулах хүсэлт, шүүмж зэргийг чөлөөтэй илэрхийлэх, илгээх эрхтэй бөгөөд www.essenty.mn  дээрх онлайн туслах, https://www.facebook.com/profile.php?id=61580390728576-д хандан мессэж илгээх,info@essenty.mn цахим хаяг руу илгээх боломжтой.

5. Хэрэглэгч нь өөрийн мэдээллийн үнэн зөв, бодит байдалд бүрэн хариуцлага хүлээнэ.

6. “essenty.mn”-н хэвийн ажиллагаа, түүний мэдээллийн аюулгүй байдал, мэдээллийн нууцлалыг “Эссеншиал Бьюти” ГХОХХК хариуцна.

 

3. Захиалга хийх, баталгаажих, цуцлах хугацаа

1. Захиалга хийх хугацаа:
   
   

• Хэрэглэгч “essenty” цахим худалдааны системийг ашиглан 24 цагийн аль ч цагт хэдэн удаа ч захиалга хийж болно.
  
  

2. Захиалга баталгаажих, цуцлагдах хугацаа:
   
   

• Хэрэглэгч нь захиалга хийснээс хойш 48 цагийн дотор зааврын дагуу төлбөрийг бүрэн шилжүүлснээр захиалга баталгаажна. “essenty”-д захиалга баталгаажсанаар Хэрэглэгч болон Албан ёсны борлуулагч нарын хооронд гэрээ байгуулагдсан гэж үзнэ.

• Захиалгын төлбөр 48 цагийн дотор холбогдох дансанд орж ирээгүй тохиолдолд захиалга автоматаар цуцлагдана. Нэгэнт цуцлагдсан захиалгыг дахин сэргээх боломжгүй бөгөөд Хэрэглэгч хүсвэл захиалгыг дахин шинээр үүсгэх боломжтой.

• Хэрэглэгч 48 цагийн дотор төлбөрийг гүйцэтгэж чадаагүйн улмаас захиалга цуцлагдсан тохиолдолд “Эссеншиал Бьюти” ХХК ямар нэгэн хариуцлага хүлээхгүй.
  
  

3. Хэрэглэгч нь ажлын өдрүүдэд 09:00-19:00 цагийн хооронд (цайны цаг 12:00-13:00), амралтын өдрүүдэд 12:00-17:00 цагийн хооронд 7272-3322 дугаараар холбогдож мэдээлэл авах, тодруулах бүрэн боломжтой.
   
   

4. Захиалгын бараа хүргэгдэх хугацаа:
   
   

• “essenty” нь Хэрэглэгчийн хийсэн захиалгын төлбөр албан ёсны дансанд тодорхой заавар, хэлбэрийн дагуу хийгдсэн үеэс эхлэн захиалга албан ёсоор хийгдэж баталгаажсан гэж үзнэ.

• Захиалга хийх, төлбөрийг шилжүүлэх, бараа, бүтээгдэхүүн хүлээж авах бүрд Хэрэглэгчийн бүртгүүлсэн цахим шууданд болон бүртгүүлсэн гар утсанд “essenty”-ooc мэдэгдэл илгээнэ.

• Захиалгыг баталгаажуулсан хугацаа, тээвэрлэлт, аюулгүй байдал зэргээс хамаарч захиалгын төлбөрийг бүрэн төлсөн өдрөөс хойш бэлэн барааг Улаанбаатар хотод 24 цагт, хөдөө, орон нутагт 48 цагийн дотор хүргэнэ.

• Гэнэтийн болон давагдашгүй хүчин зүйл, бүх нийтийн амралтын өдрүүд, эрх бүхий байгууллага, албан тушаалтны шийдвэрээр хил, гаалийн үйл ажиллагаа саатах, цаг агаарын байдал, хорио цээрийн дэглэм тогтоосон, гамшгийн нөхцөл байдал үүссэн болон бусад хүчин зүйлийн улмаас тээвэрлэлт саатах зэрэг шалтгаанаар тодорхой хугацаагаар захиалгын хүргэлт саатах бүрд хэрэглэгчид нэн даруй мэдэгдэнэ. Эдгээр нөхцөл байдлууд арилж, захиалгыг хүргэх боломж бүрдэх хүртэл хүргэлтийн хугацаа хойшлогдоно.

• 
  4. НӨАТ-ын цахим баримт илгээх тухай

• Захиалгын цахим төлбөрийн и-баримт нь “Эссеншиал Бьюти” ГХОХХК-ийн үйл ажиллагааны чиглэл буюу цахим худалдааны онцлогоос хамааран захиалга хүргэгдсэнээс хойш хуанлийн 72 цагийн дотор Хэрэглэгчийн бүртгэлтэй цахим хаягт болон Хэрэглэгчийн профайл хэсэгт нэгэн зэрэг илгээгдэнэ.

• Дээрх нөхцөл нь хувь хүн болон байгууллагын НӨАТ-ын цахим баримтад хамааралтай болно.

 

5. Төлбөр төлөх, захиалга цуцлах

1. Хэрэглэгч захиалга хийж баталгаажуулсны дараа цахим хэлбэрээр захиалгын хуудасны мэдээлэл авна. Мөн “essenty” нь захиалгыг баталгаажуулж байх хугацаанд захиалгын нийт дүн, төлбөр гүйцэтгэх хэлбэр, төлбөр хүлээн авагч Байгууллагын нэр, дансны дугаар зэргийг Хэрэглэгчдэд ойлгомжтой хэлбэрээр хүргэнэ.

2. Хэрэглэгчийн хийсэн захиалга бүр дахин давтагдашгүй захиалгын дугаартай байх бөгөөд “Миний Бүртгэл” хэсгээс захиалгын тухай дэлгэрэнгүй мэдээллийг харах боломжтой.

3. Захиалга хийгдсэнээс хойш 48 цагийн дотор Хэрэглэгч нь төлбөрийг хүлээн авагчийн дансанд шилжүүлэх, байршуулах шаардлагатай. Төлбөрийг шилжүүлэх, байршуулахад системд заагдсан зааврыг зайлшгүй дагаж мөрдөнө.

4. “essenty” нь захиалгын нийт үнийн дүнг 100 хувь урьдчилан хүлээн авснаар захиалга автоматаар баталгаажна.

5. “essenty” нь Хэрэглэгчид захиалга хийгдсэнээс хойш 48 цагийн хугацаанд төлбөр гүйцэтгэх боломжийг олгож байгаа бөгөөд тус хугацаанд захиалгыг цуцлах, өөрчлөх боломжтой. 

6. Хэрэглэгч бараа бүтээгдэхүүн, үйлчилгээний мэдээлэлтэй сайтар танилцаж, захиалгаа давхар нягтлах үүрэгтэй бөгөөд захиалгын төлбөрийг төлсөн бол тус захиалгыг буцаах, солих боломжгүй.

7. Хэрэглэгч гишүүнчлэл болон купон худалдан авсан тохиолдолд буцаах боломжгүй.

8. Хэрэглэгчийн захиалсан барааны загвар зөрсөн, гэмтэлтэй байсан тохиолдолд “essenty” нь тус барааг солиулах эсвэл төлбөрийг буцаан олгох сонголтыг олгоно.

9. “essenty”-н бараа захиалгын тээвэрлэлтийг мэргэжлийн байгууллага хариуцаж гүйцэтгэх тул захиалсан бараа гэмтэлтэй ирсэн тохиолдолд дээрх нөхцөлийн дагуу арга хэмжээ авна.

10. Хэрэглэгч захиалга хийхдээ тус системд байгаа барааны дэлгэрэнгүй танилцуулга, мэдээллийг сайтар судлах зайлшгүй шаардлагатай. Хэрэглэгч тус барааны талаар сайтар мэдээлэл аваагүйгээс болж захиалга хүргэгдэн ирсний дараа захиалгыг буцаах хүсэлтийг “essenty” хүлээн авах, барааг буцаах боломжгүй. 

 

6. Захиалгын хүргэлт хийгдэх байршил, хүргэлтийн төлбөр

1. Хэрэглэгчийн захиалгыг Улаанбаатар хот дотор А бүсэд 6600 төгрөг, B бүсэд 7600  төгрөг,  C бүсэд 9600 төгрөгийн (НӨАТ орсон) төлбөртэйгөөр тус тус хүргэнэ.  Овор хэмжээ ихтэй, хүнд жинтэй бараа бүтээгдэхүүний хувьд тухайн бараа бүтээгдэхүүний хүргэлтийн мэдээлэлд заасан хүргэлтийн төлбөрийг авч хүргэлтийг хийнэ. Хүргэлтийн эко уутны төлбөр 380 төгрөг хүргэлтийн төлбөр дээр нэмж бодогдоно.
   
   Хот доторх хүргэлт нь Улаанбаатар хотын дараах хязгааруудад хийгдэнэ. Үүнд:
   
   

• А бүсийн тойрогт:

• Баянгол дүүргийн 1, 2, 3, 4, 5, 6, 7, 8, 13, 14, 15, 16, 17, 18, 19, 24, 25-р хороо, 

• Баянзүрх дүүргийн 1, 3, 6, 15, 18, 25, 26-р хороо

• Сүхбаатар дүүргийн 1, 2, 3, 4, 5, 6, 7, 8-р хороо

• Хан-Уул дүүргийн 1, 2, 3, 15, 17, 18, 19, 20-р хороо

• Чингэлтэй дүүргийн 1, 2, 3, 4, 5, 6-р хороо
  
  

• B бүсийн тойрогт:

• Баянгол дүүргийн 9, 10, 11, 12, 20, 21, 22, 23-р хороо

• Баянзүрх дүүргийн 2, 4, 5, 12, 13, 14, 16, 19, 22-р хороо

• Сонгино хайрхан дүүргийн 27, 29, 5, 30, 6, 31, 7, 8, 11, 12, 37, 13, 14, 39,  15, 16, 17, 43, 23-р хороо

• Сүхбаатар дүүргийн 9, 10, 11, 12-р хороо

• Хан-Уул дүүргийн 4, 5, 6, 7, 8, 11-р хороо

• Чингэлтэй дүүргийн 8, 9, 10, 11-р хороо
  
  

• C бүсийн тойрогт: 

• Баянзүрх дүүргийн 27, 8, 9, 10, 11, 17, 21, 24-р хороо

• Сонгинохайрхан дүүргийн 1, 26, 2, 3, 28, 4, 9, 34, 10, 35, 36, 38, 40, 41, 18, 19, 20, 22, 24, 25-р хороо

•  Сүхбаатар дүүргийн 13, 14, 15, 16-р хороо

• Хан-Уул дүүргийн 9, 10, 16, 21-р хороо

• Чингэлтэй дүүргийн 7, 12, 13, 14, 15, 16, 17, 18-р хороо.

2. Дээр заасан хязгаараас гадагш Хэрэглэгчийн хүсэлтээр хүргэлт хийх тохиолдолд тусгай үнийн тариф бодогдоно. Орон нутгийн хүргэлтийг тухайн орон нутаг руу тээврийн болон шуудангийн үйлчилгээ үзүүлдэг үйлчилгээний байгууллагаар дамжуулан хүргүүлнэ. 

3. Хэрэглэгчийн захиалгыг Орон нутгийн хүргэлтийг тухайн орон нутаг руу тээврийн болон шуудангийн үйлчилгээ үзүүлдэг тээвэрлэгч байгууллагад, шилжүүлсэн үеэс эхлэн тухайн бараатай холбоотой эрсдэл нь Хэрэглэгчид бүрэн шилжинэ. 

4. Хэрэглэгч нь захиалгын хүргэлтийн төлбөр, захиалгын явцад гарч болзошгүй эрсдэлийг өөрийн зардлаар даах үүрэгтэй.
   Овор ихтэй бараа бүтээгдэхүүн бүхий захиалгын хүргэлтэд нэмэлт тооцоо нэмэгдэнэ.

5. Хэрэв Хэрэглэгч хүргэлтийн хаягийг буруу эсвэл дутуу өгсөнөөс үүдэн захиалга хүрээгүй, алдагдсан тохиолдолд хариуцлагыг Хэрэглэгч бүрэн хүлээнэ.
   
   

6. Худалдан авалттай холбоотой дэлгэрэнгүй мэдээлэл Хэрэглэгчийн бүртгүүлсэн цахим хаяг, бүртгүүлсэн гар утас руу тогтмол илгээгдэх ба Хэрэглэгч өөрийн захиалгын түүх дотроосоо харах боломжтой.
   
   

7. essenty бэлгийн картыг худалдан авсан өдрөөс эхлэн нэг жилийн хугацаатай байна. Хүчинтэй хугацаа дууссаны дараа ашиглах боломжгүй болно.

8. Хэрэглэгч бэлгийн картыг дижитал хэлбэрээр бусдад илгээх явцад гарсан алдаа (жишээ нь, и-мэйл хаяг буруу оруулах, гуравдагч этгээд ашиглах гэх мэт) эрсдэлийг өөрөө бүрэн хариуцна.  

9. Бэлгийн картыг зөвхөн essenty.mn платформ дээр ашиглан худалдан авалт хийх боломжтой бөгөөд картын худалдан авалтын эрхийг бэлэн мөнгөөр буцаан олгох боломжгүй. 

 

7. Бараа бүтээгдэхүүн буцаах, солих журам

1. Дараах тохиолдолд бараа бүтээгдэхүүнийг буцаах боломжтой. Үүнд:
   
   

• Захиалсан бараа хүлээн авах үед гэмтэлтэй байсан.

• Захиалсан барааны хэмжээ томдсон/багадсанаас шалтгаалан барааг солиулах хүсэлт гаргасан боловч сольж авах бараа дууссан; /Таны захиалсан барааны хэмжээ мөн боловч брендийн болон загварын онцлогоос шалтгаалан танд томдох/жижигдэх нөхцөл байдал үүсэж болно. Энэ тохиолдолд барааг солиулах сонголт байх бөгөөд солих бараа байхгүй үед захиалгаа буцааж болно.
  
  

2. Дараах тохиолдолд бараа бүтээгдэхүүнийг солих боломжтой. Үүнд:
   2.1 Захиалсан барааг хүлээн авах үед загвар, хэмжээ, өнгө зөрсөн; /Өнгө, хэмжээ, загвараас солиулах боломжгүй нөхцөлд өөр төрлийн бараа, бүтээгдэхүүнээс сонгож зөрүүг нэмж төлөх, эсхүл буцаах эрхтэй/
   2.2 Захиалсан бараа гэмтэлтэй, зохих ёсоор бүрэн ажиллахгүй байсан.
   
   

3. Нийлүүлэгч байгууллагын бараа бүтээгдэхүүний онцлог, хүргэлтийн нөхцөлөөс шалтгаалан гэмтэл, доголдолтойгоос бусад тохиолдолд буцаах, солих дээрх журам үйлчлэхгүй. Иймд та бараа бүтээгдэхүүнээ захиалахдаа өөрийн биеийн хэмжээ, хэрэгцээ шаардлагад нийцүүлэн загвар, хэмжээгээ сайтар тооцож тухайн бараа бүтээгдэхүүний талаарх мэдээллийг бүрэн шалгасны үндсэн дээр захиалгаа хийх шаардлагатайг анхаарна уу.

2. Хэрэглэгч худалдан авсан барааг буцаах тохиолдолд барааг хүлээн авсан цагаас хойш 24-48 цагийн дотор  72723322 утсаар эсвэл info@essenty.mn  цахим хаягаар захиалга өгснөөр  буцаах боломжтой. Буцаах барааг өөрийн биеэр буцаах эсвэл өөрийн байгаа газраас авхуулж болно.
   Хэрэглэгч бараа бүтээгдэхүүнийг солих тохиолдолд солигдож буй бараа бүтээгдэхүүн 48-72 цагт хүргэгдэнэ.

3. Хэрэглэгч бараа бүтээгдэхүүнийг солих тохиолдолд солилт хийж буй нийлүүлэгчээс хэрэглэгчид хүргэх хүргэлтийн төлбөр болон хэрэглэгчээс солилт хийх барааг дэлгүүрт хүргэх хүргэлтийн төлбөр гэх хоёр удаагийн хүргэлтийн төлбөрийг төлнө. 

4. Хэрэглэгчийн хүсэлтээр барааг буцаах тохиолдолд  бараа, бүтээгдэхүүний үнийг Afterpay (хуваан төлөх) төлбөрийн хэрэгслээр төлсөн тохиолдолд барааны үнийн дүнгээс 11 хувийн шимтгэл болон буцаалтын хүргэлтийн төлбөрийг Хэрэлэгч тус тус төлнө.
   Хэрэглэгчийн хүсэлтээр барааг буцаах болон захиалга цуцлах тохиолдолд  бараа, бүтээгдэхүүний  үнийг бэлэн мөнгөөр төлсөн тохиолдолд барааны үнийн дүнгээс 1 хувийн шимтгэл болон буцаалтын хүргэлтийн төлбөрийг Хэрэглэгч тус тус төлнө.

5. Бараа бүтээгдэхүүнийг буцаах/солиулахад тухайн худалдан авсан бараа бүтээгдэхүүний тооцооны хуудсыг үндэслэх ба бараа бүтээгдэхүүн нь дахин худалдаалах боломжтой байна.

6. Сав баглаа боодлыг онгойлгосон болон эвдэрч гэмтсэн, бохирдсон тохиолдолд солих болон буцаах боломжгүй.

7. Орон нутгийн хүргэлтийг тухайн орон нутаг руу тээврийн болон шуудангийн үйлчилгээ үзүүлдэг үйлчилгээний байгууллагаар дамжуулан Хэрэглэгчид хүргүүлсний дараа Үйлчилгээний нөхцөлд заасан буцаах, солих нөхцөл байдал үүсвэл Хэрэглэгчийн зүгээс тухайн барааг Эссеншиал Бьюти  ГХОХХК-д хүргүүлэх үүрэгтэй.

8. Орон нутгийн хүргэлт бүхий захиалгын бараа бүтээгдэхүүнийг солих тохиолдолд хоёр удаагийн хот доторх хүргэлтийн төлбөр болон орон нутгийн тээврийн төлбөрийг төлнө.

9. Орон нутгийн хүргэлт бүхий захиалгын бараа бүтээгдэхүүнийг буцаах, солих үед Эссеншиал Бьюти ГХОХХК-д хүргэгдэх хүртэлх аливаа гэмтэл, алдагдал, саатлын эрсдэлийг Хэрэглэгч бүрэн хариуцна. 

10. Хэрэглэгч буцаах, солих барааг аливаа бохирдол, гэмтэл, эвдрэлээс хамгаалан савлах үүрэгтэй. Хэрэв барааны сав баглаа боодлыг онгойлгосон болон эвдэрч гэмтсэн, ашиглагдсан, анхны байдлаасаа өөрчлөгдсөн бол буцаах, солих боломжгүйг анхаарна уу.

11. Хэрэглэгч шууд төлөлтөөр хийсэн захиалгаа буцаасан нөхцөлд мөнгөн буцаалтыг хэрэглэгчийн нэр дээрх дансанд 48 цагийн дотор шилжүүлнэ.

12.  Хэрэглэгчийн хуваан төлөлтийн төлбөрийн хэрэгсэл (storepay, lendpay, simple, ard pick and pay, pocket гэх мэт) буюу зээлийн нөхцөлтэй үйлчилгээг ашиглан хийсэн захиалга цуцлагдсан нөхцөлд цуцлагдсанаас хойш 72 цагийн дотор шийдвэрлэнэ.

13. Хэрэглэгчийн хуваан төлөлтийн төлбөрийн хэрэгсэл (storepay, lendpay, simple, ard pick and pay, pocket гэх мэт) буюу зээлийн нөхцөлтэй үйлчилгээг ашиглан хийсэн захиалга хэсэгчлэн цуцлагдсан /захиалгын зарим бараа цуцлагдсан/ нөхцөлд буцаалтын дүнг хэрэглэгчийн цахим хэтэвчинд шилжүүлнэ.

14. Хэрэглэгчийн мөнгөн буцаалтыг буцаахдаа зөвхөн төлбөр төлсөн дугаар (данс эзэмшигчийн нэр ) данс руу буцаана. Хэрэв хэрэглэгчийн буцаах данс гүйлгээ хүлээн авах боломжгүй (хадгаламжийн данс, кредит карт болон бусад төлбөрийн аппликэйшн ашигласан) бол хэрэглэгчийн захиалга үүсгэсэн овог нэртэй баталгаажуулан хэрэглэгчийн өгсөн дансруу буцаана. 

 

8. Цахим зээлээр худалдан авалт хийх

1. “essenty” дээрх аль ч бараа бүтээгдэхүүн, үйлчилгээнээс зээлээр худалдан авах боломжтой бөгөөд зээлээр авах хэсгийг сонгож өөрийн мэдээллээ үнэн зөв бөглөх үүрэгтэй.

2. Та зээлийн төлбөрөө гэрээнд заасан хуваарийн дагуу төлөх үүрэгтэй бөгөөд ийнхүү төлснөөр дараа дараагийн зээл авах эрх, боломж нэмэгдэх боломжтой. Харин зээлээ төлөөгүй тохиолдолд таны мэдээлэл Монгол Банкны зээлийн мэдээллийн санд бүртгэгдэж дахин өөр банк, санхүүгийн байгууллагаас зээл авах боломжгүй болох эрсдэлтэйг анхаарна уу.

3. Кредит эрх болон хуваан төлөлтийн төлбөрийн шийдлийн үйлчилгээг өөрт ашигтай байдлаар бэлэн мөнгөөр болон аливаа өөр хэлбэрээр худалдах, шилжүүлэх, шилжүүлж авахыг хориглоно.

4. Цахим худалдааны систем дэх кредит эрх болон хуваан төлөлтийн төлбөрийн шийдлийг бараа, бүтээгдэхүүн болон үйлчилгээ худалдан авах, худалдахаас өөр зорилгоор ашиглах, мөн хууран мэхлэх аливаа үйлдэл хийхийг хатуу хориглоно.

5. Хэрэв хэрэглэгч “essenty”-ийн  үйлчилгээний нөхцөлийг зөрчсөн, Цахим худалдааны системийг хууль бус үйл ажиллагаанд ашигласан, мөнгө угаах болон залилангийн шинжтэй үйлдэл хийсэн гэж үзвэл,  энэ талаар гуравдагч этгээд, кредит эрх болон хуваан төлөлтийн төлбөрийн шийдлийг нэвтрүүлэгч санхүүгийн байгууллагаас санал, хүсэлт, гомдол ирсэн тохиолдолд “essenty” дараах арга хэмжээг авах эрхтэй:
   8.1. Хэрэглэгчийн "essenty" дэх  хэтэвчнээс зарцуулалт хийх эрхийг түр хугацаанд түдгэлзүүлэх;

8.2. Хэрэглэгчид бэлэн болон бэлэн бус буцаалт хийх, бараа бүтээгдэхүүн, үйлчилгээ олголтыг түр хугацаанд түдгэлзүүлэх;

8.3. Холбогдох хууль хяналтын байгууллагад хандан шалгуулах;

8.4. Бараа бүтээгдэхүүн, үйлчилгээний захиалгыг холбогдох этгээдийн шаардлагын дагуу цуцлах;

8.5. essenty-д учирсан шууд болон шууд бус хохирлыг нөхөн төлүүлэхээр Хэрэглэгчээс шаардах. 

 

9. Хэрэглэгчийн гомдол, маргаан шийдвэрлэх

1. Хэрэглэгч “essenty”-н үйл ажиллагаанд холбогдуулж санал хүсэлт, гомдол гаргах эрхтэй бөгөөд санал хүсэлт, гомдлыг цахим хэлбэрээр “Санал хүсэлт илгээх” форм бөглөж гаргана.

2. Хэрэглэгч нэн тэргүүнд санал хүсэлт, гомдлоо дээр дурдсан хэлбэрээр буюу essenty.mn-тэй шууд холбогдон гаргах бөгөөд “Эссеншиал Бьюти” ГХОХХК-ийн нэр хүнд болон үйл ажиллагаанд хүндэтгэлтэй хандаж компанийн нэр хүндэд халдахуйц байдлаар олон нийтийн хэрэгслээр мэдээлэл түгээх зэргээр хориглосон аливаа үйлдлийг гаргахгүй байх үүрэгтэй.

3. Хэрэглэгчийн гомдлыг хүлээн авч формд үлдээсэн утасны дугаар, цахим хаягаар холбогдож хэр хугацаанд хэрхэн шийдэх тухай мэдэгдэнэ. “essenty” таны асуудлыг судлаад өгсөн хариу болон авсан арга хэмжээнд та сэтгэл хангалуун бус байгаа тохиолдолд та Монгол Улсын шүүхэд хандаж маргааныг шийдвэрлүүлэх боломжтой.

 

10. Гэнэтийн болон давагдашгүй хүчин зүйл

1. Гэнэтийн давагдашгүй хүчин зүйлсийн улмаас талуудын энэхүү үйлчилгээний нөхцөлд заасан үүргээ биелүүлээгүй буюу зохих ёсоор биелүүлээгүй бол нөгөө талдаа ажлын гурав хоногийн дотор цахим шуудангаар дамжуулан мэдэгдэх ба энэ тохиолдолд үүрэг гүйцэтгэх хугацаа нь энэхүү нөхцөл байдал үргэлжлэх хугацаагаар хойшлогдоно.

2. Гэнэтийн давагдашгүй хүчин зүйлс бий болсон нь нэг сараас дээш хугацаагаар үргэлжилсэн тохиолдолд талууд асуудлыг харилцан зөвшилцөх замаар шийдвэрлэнэ.

3. Гэнэтийн давагдашгүй хүчин зүйлс гэдэгт талуудын хараа хяналтаас гадуур болсон, урьдчилан таамаглах боломжгүй, урьдчилан сэргийлж, шинжлэх ухаан, техникийн ололтыг ашиглан даван гарах боломжгүй дараах саад тотгор тохиолдсоны улмаас талууд энэхүү Үйлчилгээний нөхцөлд заасан үүргээ биелүүлж чадахгүйд хүрэхийг ойлгоно. Үүнд:

• Зарласан болон зарлаагүй дайн, зэвсэгт мөргөлдөөн, бослого, гадаадын түрэмгийлэл, хорлон сүйтгэх ажиллагаа, хувьсгал;

• Байгалийн бүх төрлийн гамшиг  /гал түймэр, газар хөдлөлт, хүчтэй хар салхи, шуурга, аянга цахилгаан, үер усны гамшиг зэрэг/ 

• Төрийн албан тушаалтны хуулийн дагуух болон хууль бус үйлдэл, эс үйлдэл, эрх зүйн акт, тушаал, захирамж;

• Тэсрэлт, дэлбэрэлт, машин үйлдвэрлэлийн тоног төхөөрөмжийн эвдрэл, цахилгааны ноцтой гэмтэл; бүх төрлийн хязгаар хориг, өвчин тахал, хорио цээр, хариуцлагаас чөлөөлөгдөх хүсэлтэй талын аж ахуй нэгжид тохиолдсон ажил зогсолт, ажил хаялт;

• Программ хангамж, техник тоног төхөөрөмжийн эвдрэл гэмтэл, хакер халдлага зэрэг, үүнээс бусад талуудын хүсэл зоригоос үл хамаарах шалтгаануудыг ойлгоно.

4. Давагдашгүй хүчин зүйлсийн улмаас талууд хууль болон энэхүү Үйлчилгээний нөхцөлд заасан үүргээ биелүүлээгүй эсвэл зохих ёсоор биелүүлээгүй талууд үүнийг нотолсны дүнд харилцан бие биений өмнө болон гуравдагч этгээдийн өмнө хариуцлага хүлээхгүй.

 

11. Бусад

1. Эссеншиал Бьюти ГХОХХК нь Үйлчилгээний нөхцөлд өөрчлөлт оруулах эрхтэй бөгөөд өөрчлөлт оруулсан тохиолдолд тухай бүр essenty.mn сайт дээр нийтэд нээлттэй нийтлэх бөгөөд Хэрэглэгч нь танилцах үүрэг хүлээнэ.

2. Хэрэглэгчийг захиалга хийгдэх үед хүчинтэй байсан үйлчилгээний нөхцөл захиалгыг хүргэх шатанд өөрчлөгдсөн тохиолдолд өмнөх үйлчилгээний нөхцлийг үндэслэн бараа, бүтээгдэхүүнийг хүлээж авах хүртэлх хугацаанд хүчинтэйд тооцох болно.