Яагаад нарны тос заавал хэрэглэх ёстой вэ?

 

НАРНЫ ТОС ЯАГААД ӨДӨР БҮР ХЭРЭГЛЭХ ЁСТОЙ ВЭ?

Нарны хэт ягаан туяа (UV) нь бидний арьсыг өдөр бүр гэмтээж байдаг. Энэ нь эрт хөгшрөлт, нөсөө толбо, арьсны эмзэгшил, түлэгдэлт болон арьсны хавдрын эрсдэлийг нэмэгдүүлдэг. Цаг агаар ямар ч байсан, зөв хамгаалалт хамгийн чухал!

 

 

 

ҮҮЛЭРХЭГ ӨДӨР ЯАГААД НАРНЫ ТОС ХЭРЭГЛЭХ ЁСТОЙ ВЭ? 

-UV туяа үүл нэвтэлж чаддаг: Үүл нь UV туяаг бүрэн хаадаггүй. Судалгаагаар үүлэрхэг өдөр ч UV туяаны 80 хүртэлх хувь нь арьсанд хүрдэг.

-UVA туяа нь жилийн турш идэвхтэй: UVA туяа нь арьсны гүнд нэвтэрч үрчлээ, хөгшрөлт, нөсөө толбо үүсгэдэг ба жилийн дөрвөн улиралд тогтмол нөлөөлдөг

-Түлэгдэлт мэдэгдэхгүй явагдаж байдаг: үүлэрхэг өдөр нарны илч бага мэдрэгддэг ч арьс түлэгдэж гэмтэж байдаг.

 

Тогтмол нарны тос хэрэглэсний дараа арьсны өнгө жигдэрч, нөсөө толбо багассан.

САЛХИТАЙ ӨДӨР ЯАГААД НАРНЫ ТОС ХЭРЭГЛЭХ ЁСТОЙ ВЭ?

-Салхи UV туяаг багасгадаггүй: Салхи нь нарны хэт ягаан туяаг хаах чадваргүй. UVA UVB шууд арьсанд нөлөөлдөг.

-Салхи арьсыг хуурайшуулдаг: Салхи чийгийг авч яван арьсны хамгаалах давхаргыг сулруулдаг. Хуурайшсан арьс нарны туяанд илүү эмзэг болдог.

-Хүйтэн, сэрүүн мэдрэмж нь хуурмаг: Салхи сэрүүн мэдрэмж төрүүлдэг тул нарны нөлөөг анзаарахгүй өнгөрөх нь бий. Гэхдээ арьс гэмтсээр байдаг.

-Гадаа ажиллах аялалд явах үед эрсдэл өндөр: Хээр гадаа удаан наранд байх үед салхи, нар хослон арьсыг гэмтээх эрсдэл нэмэгддэг.

Салхитай өдөр ч нарны тос хэрэглэснээр арьс хуурайшилт, улайлтаас хамгаалагдана.

 

НАРНЫ ТОС ХЭРЭГЛЭХ ЮУНД ХЭРЭГТЭЙ ВЭ?

• Арьсыг нарны хорт туяанаас хамгаална.
• Нөсөө толбо, сэвх үүсэхээс сэргийлнэ.
• Үрчлээ, арьсны хөгшрөлтийг удаашруулна.
• Арьсны өнгө, бүтцийг жигд, эрүүл хадгална.
• Арсны хавдрын эрсдэлийг бууруулна.

 

Гадагш гарахаас 15-20 минутын өмнө түрхэнэ.	Хангалттай хэмжээгээр нүүр, хүзүү болон ил гарсан бүх хэсэгт түрхэнэ.	2 цаг тутамд дахин түрхэнэ.	Усанд орсон, хөлөрсний дараа дахин түрхэнэ.	Үүлэрхэг, салхитай өдөр ч үргэлж хэрэглэнэ.